wie bim felix und de paola / bi de versteckte kamera / bin ich de lockvogel / locke vergangeni ziite a / s'isch 1992, mir säge'd nei / zum ewr / und liechtestei / seid ja. / das isch alles ganz egal / mir sind sowieso besser als die andere / mir wandered üse eigene wäg / und de isch normal / zwei Jahr später / verecked zwar es paar vo de templerseckte / aber tschuld sind die in kanada / ich fange ah z'verstah / was üs triibt isch euseri liebe zur heimat / mir quirled euses eigene wasser / und sind parat / für de eleigang / und wenn i hei gang / hani angscht vorem messerstecher / nid vorem ma, sondern vorem plackat / mir sind sonderbar, aber ehrlich / wie de fuessballer moldovan / entbehrlich / wie der rinderwahn / importiert usem asean-gebiet / oder schösch irgendwo her / I don't care as long as you don't share that shit with me.

Chorus: Ich luege vo bärge abe is tal / han d'qual vo de wahl / nach links oder rechts oder gradus / illusione machi de garus / fülle mit tank und nime de fahruswis / Und drücke mi fuess ufs gass und d' musig spilt...

mier sind es bizeli verwunderet / warum dass s'wirtschaftswachstum dunde blibt / und de ufschwung im chopf elei gäge d'realität nid sigt / wiene luftballon / aber nid de vom bertrand piccard / sondern de vom fosset / eus got d'luft us wie wenn öpper druf gschosse hätt / und mini carrosse hed au scho besseri ziite gseh / de motor stotteret / aber ich fahre witerhin uf mis zil zue / obwohl ich nid genau weiss woni hi muess / oder hi will / wie-n-es chliichind ohni eltere verlore / üs blast e chältere wind um d'ohre / er blast us de vergangeheit i'd gägewart / mier wüssed nid wieso de fagan üs so bös an chare fahrt / und de meili / macht en steili karriere wäred de nachtschicht / schreddered praktisch / die wissi weste vo de nation / s'isch wiene chlapf a d'ohre
debi hämmer doch d'abacha-gelder gfrohre

Chorus

2001, es jahr wie nacheme biss vo der schwarze witwe / d' swissair hed kei sprit meh
aber bitte, wer hätti dänkt, das en buchlandig resultiert usem hunting vo de sabena / aua / das hed weh ta / und ohne flaggschiff / wüssemer nümme was mid em hub isch / sind am bode zerstört / froged verstört / warum plaged üs nöt / worum simmer nümm flott am start / worum bränts im gotthard /und warum zeigt CNN / de Herr Iten? 7/ zwei nullnull zwei / mier holed no was mier vorher verschobe händ / und d'jacqueline fendt / hämmer wäge dem / scho länger über's gländer abeghänkt / und sie lo gheie / wäge demm muesch du nit druurig si / wäge demm muesch du nit schreie / 10 jahr sind scho wider verbii / und es schneit immer no i de bärge wenn auch schwacher / entgegen allne prognose / vo gottlose miesmacher / wo sich uf statistike stütze / wo keis bitzeli nütze / und wenn doch bliibemer sitze und schütze
üs elei oder gönd a d'urne und säged ....

chorus

composition: Meyer / Currat / Helfer / Mital
Lyrics: Meyer